Texnologiya
HUD-da çalışan DOGE əməkdaşları daşınmaz əmlak və mobil ev sektorundan gəlir
ABŞ-nin Mənzil və Şəhər İnkişafı Departamentinin (HUD) əməkdaşları, idarədəki bütün müqavilələrin siyahısını hazırlamaq və onların agentlik üçün nə dərəcədə vacib olduğunu, eləcə də DEI (Müxtəliflik, Bərabərlik və İnklüzivlik) komponentlərini ehtiva edib-etmədiyini müəyyənləşdirməklə bağlı bir e-poçt alıblar.
Crossmedia.az xarici mənbələrə istinadən xəbər verir ki, sözügedən məktub DOGE-nin (Departamentin daxilindəki xüsusi qrup) baş məsləhətçisi kimi özünü təqdim edən Skott Lanqmak tərəfindən imzalanıb. Lakin Lanqmak artıq başqa bir vəzifədə çalışır – o, daşınmaz əmlak texnologiyaları sahəsində fəaliyyət göstərən və nadir tapılan məlumatları toplamağı hədəfləyən Kukun şirkətinin baş əməliyyat direktorudur. O, HUD-da çalışan yeganə daşınmaz əmlak sektorundan gələn şəxs deyil.
Əldə edilən sənədlərə əsasən, DOGE operativləri HUD-un beş fərqli sisteminə giriş imkanı əldə ediblər. Məlumata görə, bu çıxış hüququ DOGE əməkdaşlarına ABŞ-də federal ictimai mənzil yardımına ehtiyacı olan şəxslərin şəxsiyyət və maliyyə məlumatlarına, eləcə də HUD-un maliyyələşdirdiyi xəstəxanalar, qocalar evləri, çoxmənzilli binalar və yaşlılar üçün yaşayış obyektlərinə dair informasiyalara giriş imkanı yaradır. Bundan əlavə, sistemdə evsizliyin səviyyəsi, ekoloji və sağlamlıq riskləri, eləcə də federal sığortalı ipoteka kreditləri ilə bağlı məlumatlar da yer alır.
Mütəxəssislər HUD-da daşınmaz əmlak sektoru ilə əlaqəli şəxslərin artan təsirinin dövlətin mənzil siyasətinə potensial təsirlərini narahatlıqla izləyirlər.
Zeynəb Yunuszadə
11:00 28.02.2025
Oxunuş sayı: 11017
