Google pulsuz AI kodlaşdırma assistentini təqdim edib
Google, geniş istifadəyə icazə verən pulsuz AI kodlaşdırma assistentini təqdim etdi.
Crossmedia.az TechCrunch saytına istinadən xəbər verir ki, çərşənbə axşamı Google, AI kod tamamlanması və kodlaşdırma dəstəyi üçün yeni və pulsuz istehlakçı versiyasını təqdim edib.
Şirkət bu xidməti Gemini Code Assist adlandırır və fərdi istifadəçilər üçün əlçatan edib.
Bundan əlavə, Google Gemini Code Assist for GitHub adlı yeni bir funksiya da istifadəyə verib. Bu, kod nəzərdən keçirmə agentidir və kodlardakı səhvləri avtomatik aşkar edərək GitHub daxilində birbaşa təkliflər verir.
Gemini Code Assist, istifadəçilərə təbii dildə ünsiyyət qura biləcəkləri bir çat pəncərəsi təqdim edir.
AI modeli kod bazasına daxil olub onu redaktə edə bilir. Bu xüsusiyyət, GitHub Copilot kimi məşhur alətlərə bənzəyir və kod səhvlərini düzəltmək, kod hissələrini tamamlamaq və ya başa düşülməsicu çətin olan kod bölmələrini izah etmək qabiliyyətinə malikdir.
Google-un AI kodlaşdırma assistenti, kodlaşdırma tətbiqləri üçün xüsusi təkmilləşdirilmiş Gemini 2.0 AI modeli əsasında işləyir.
Zeynəb Yunuszadə
03:31 27.02.2025
Oxunuş sayı: 3717
