SOCAR ESG transformasiyasını sürətləndirir
Ekoloji, sosial və korporativ idarəetmə (ESG) reytinqi şirkətlərin fəaliyyətində böyük dəyişikliklərə səbəb olur.
Crossmedia.az xəbər verir ki, bunu Azərbaycan Dövlət Neft Şirkətinin (SOCAR) ESG standartlarının tətbiqi şöbəsinin rəhbəri Tuncər Əsgərli Bakıda keçirilən "Korporativ idarəetmə, investisiyalar və korporativ sosial məsuliyyət" İşçi Qrupunun ESG standartları altqrupunun 2025-ci il üzrə ilk iclasında bildirib.
Onun sözlərinə görə, 2010-cu ildən başlayan bu transformasiya son illər inanılmaz dərəcədə aktivləşib, çox sürətlə dəyişir: "Biz də bu dəyişikliklərə uyğunlaşmağa çalışırıq. 2010-2015-ci illərdə başa düşdük ki, əvvəlcə üç ölkədə fəaliyyət göstərən bir şirkət idik, amma 2020-ci ilə gəldikdə artıq çox geniş fəaliyyət istiqaməti olan bir şirkət olduq. Avropadakı əməliyyatlarımız bəzi yerlərdə tənzimləmələrə və icazələrə məruz qaldı. Buna görə transformasiyamızı başladıq ki, ESG mövzusunda dəyişikliyi düzgün şəkildə həyata keçirək. Bununla bağlı çox geniş tədqiqatlar aparıldı".
17:56 25.02.2025
Oxunuş sayı: 17278
