Texnologiya

"Geran-2" PUA-ları Teleqram botlarından istifadə edir

Rusiyada yığılan və İran istehsalı olan "Geran-2" (Shahed-136) pilotsuz uçuş aparatlarının (PUA) təkmilləşdirildiyi bildirilir. Yenilənmiş versiya 90 kq ağırlığında gücləndirilmiş döyüş başlığına sahibdir.

Crossmedia.az xəbər verir ki, dronun antenaları daha müasir Rusiya istehsalı olan modellərlə əvəz edilib. Ən mühüm yeniliklərdən biri isə "Geran-2"nin artıq Teleqram botu vasitəsilə video çəkmə və məlumat ötürmə qabiliyyətinə malik olmasıdır.

Bununla yanaşı, kiçik ölçülü turboreaktiv mühərrikə sahib "Geran-2"nin istehsalına başlanılıb. Bu mühərrik pilotsuz təyyarənin sürətini 550-600 km/saata qədər artırmağa və uçuş məsafəsini 2500 km-ə çatdırmağa imkan verir. Sursatlarda da dəyişiklik edilib – yeni versiya daha güclü döyüş başlıqları və mühəndis sursatları ilə təchiz olunub.

🖨 Çap et

11:53 19.02.2025

Oxunuş sayı: 12338