Süni intellekt 85 milyon insanı işsiz qoyacaq
2030-cu ilə qədər dünyada təxminən 85 milyon insan süni intellekt ucbatından işsiz qalacaq.
Crossmedia.az türk mediasına istinadən xəbər verir ki, bunu Süni intellekt siyasətləri dərnəyinin prezidenti Zəfər Küçükşabanoğlu deyib.
Küçükşabanoğlu, süni intellektin 2030-cu ilə qədər təxminən 15,7 trilyon dollar iqtisadi həcm yaradacağını və bu sahədə dövlətlərin ciddi mübarizə apardıqlarını vurğulayıb.
Türkiyənin süni intellekt sahəsində 50-ci sırada olduğunu bildirən Küçükşabanoğlu, dövlətlərin süni intellektə iki əsas aspektdən yanaşdığını, bunların iqtisadiyyat və təhlükəsizlik olduğunu bildirib.
O, həmçinin cəmiyyətin süni intellektdən ciddi qorxularının olduğunu və bu qorxuların əsas səbəbinin iş yerlərinin itirilməsi ilə bağlı narahatlıqlar olduğunu qeyd edib.
22:41 18.02.2025
Oxunuş sayı: 1475
