Gmail istifadəçilərinə xəbərdarlıq- Fırıldaqçılar yeni hiylələrə əl atırlar
Kiberdələduzlar insanları aldatmaq üçün müxtəlif üsullardan istifadə edirlər. Telefon zəngləri və SMS fırıldaqlarından sonra indi e-maillərə də hücum edirlər.
Crossmedia.az bildirir ki, əgər Gmail hesabınızın təhlükəsiz olduğunu düşünürsünüzsə, bir daha düşünün. Fırıldaqçılar email hesablarını ələ keçirərək şəxsi məlumatları oğurlayır, hətta bank hesablarını boşaldırlar. Bu səbəbdən də, bəzi vacib məqamlara diqqət yetirmək lazımdır.
Gmail hesabınızı qorumaq üçün vacib məsləhətlər:
Şübhəli e-maillərə cavab verməyin və naməlum göndəricilərdən gələn linklərə klik etməyin.
Güclü və unikal paroldan istifadə edin, mütəmadi olaraq onu yeniləyin.
İki mərhələli identifikasiyanı (2FA) aktivləşdirin.
Şəxsi məlumatlarınızı paylaşarkən diqqətli olun.
Gmail təhlükəsizlik bildirişlərini izləyin və hesabınızda şübhəli aktivlik müşahidə edirsinizsə, dərhal tədbir görün.
Bildirək ki, texnologiya inkişaf etdikcə, fırıldaqçıların metodları da təkmilləşir. Bu səbəbdən diqqətli olmaq və hesabınızı qorumaq üçün lazımi addımları atmaq vacibdir.
Fatimə Məmmədova
19:25 17.02.2025
Oxunuş sayı: 4226
