Ucarda məktəbli sinif yoldaşına xəsarət yetirib, araşdırma aparılır - YENİLƏNİB
Ucarda sinif yoldaşının xəsarət yetirdiyi məktəbli əməliyyat olunub.
Bu barədə sorğuya cavab olaraq TƏBİB-dən məlumat verilib.
Qeyd olunub ki, Ucar rayon sakini çoxsaylı kəsilmiş-deşilmiş yaralar diaqnozu ilə fevralın 4-də Ucar Rayon Mərkəzi Xəstəxanasının Təcili və Təxirəsalınmaz Tibbi Yardım şöbəsinə hospitalizasiya edilib.
Məlumata görə, ilkin tibbi yardım göstərildikdən sonra o, ixtisaslaşmış tibbi yardım alması üçün Göyçay Rayon Mərkəzi Xəstəxanasına təxliyə olunub:
"Pasient Xəstəxananın Cərrahiyyə şöbəsinə yerləşdirilərək əməliyyat edilib. Vəziyyəti stabil qiymətləndirilən vətəndaş fevralın 5-də ambulator müalicə üçün evə buraxılıb". (Report)
XXX
11:49
Ucar rayonunda məktəbli sinif yoldaşına xəsarət yetirib.
Crossmedia.az xəbər verir ki, bu barədə Mərkəzi Aran Regoinal Təhsil İdarəsi məlumat yayıb.
"Məsələ ilə bağlı bildiririk ki, 04 fevral 2025-ci il tarixdə saat 08:10 radələrində Ucar rayon Rəstəcə kənd tam orta məktəbinin 9-cu sinif şagirdi öz sinif yoldaşına xəsarət yetirib. Xəsarət almış şagird dərhal tibb müəssisəsinə aparılıb və səhhətində problemin olmadığı aşkar edilərək evə buraxılıb",- məlumatda qeyd olunub.
Vurğulanıb ki, şagirdlərin fiziki və psixoloji durumu məktəb rəhbərliyi və idarə tərəfindən diqqətdə saxlanılır.
"Hadisə ilə bağlı hüquq-mühafizə orqanları tərəfindən araşdırma aparılır. Araşdırmanın nəticəsi barədə ictimaiyyətə məlumat veriləcək", - idarədən bildirilib.
12:14 06.02.2025
Oxunuş sayı: 6327
