Hadisə
“Məhəmməd Əmin Rəsulzadə və müstəqil Azərbaycan” medotik vəsait çapdan çıxıb
MEK-in tərtibatında “Məhəmməd Əmin Rəsulzadə və müstəqil Azərbaycan” medotik vəsait çapdan çıxıb.
Crossmedia.az xəbər verir ki, Azərbaycan Milli Elmlər Akademiyası (AMEA) Mərkəzi Elmi Kitabxanası (MEK) tərəfindən ərsəyə gələn “Məhəmməd Əmin Rəsulzadə və müstəqil Azərbaycan” adlı medotik vəsait Azərbaycanın görkəmli dövlət və ictimai xadimi, publisist, naşir, ədəbiyyatşünas, Azərbaycan Xalq Cümhuriyyətinin banilərindən olan Məhəmməd Əmin Rəsulzadənin 140 illiyinə həsr edilib.
M.Ə.Rəsulzadənin publisistikası, məzmunlu ədəbi-bədii əsərlərinin təbliği məqsədilə hazırlanmış metodiki vəsaitdən kitabxanaçılar, həmçinin onun yaradıcılığı ilə maraqlanan tələbələr, doktorantlar və digər oxucular istifadə edə bilərlər.
Çoxsaylı kitablara və məqalələrə əsaslanmaqla hazırlanmış vəsaitin elmi məsləhətçisi AMEA prezidenti, akademik İsa Həbibbəyli, elmi redaktoru MEK-in direktoru tex.e.d., dosent Hüseyn Hüseynov, tərtibçiləri MEK-in direktor müavini fil.ü.f.d. Şəhla Quliyeva, dosent Knyaz Aslan, ixtisas redaktoru isə Biblioqrafiya şöbəsinin əməkdaşı Rəna Cavadovadır.
11:40 04.02.2025
Oxunuş sayı: 8423
