Texnologiya
Google Chromebook-u üzünüzlə idarə edə biləcəksiniz
Google Chromebook üçün daha əvvəl nadir hallarda rast gəlinən bir texnologiya üzərində işləyir.
Crossmedia.az xarici KİV-ə istinadən xəbər verir ki, Google təhsil və əlçatanlıq yönümlü yeni ChromeOS xüsusiyyətlərini elan edib. Ən diqqətçəkən yeniliklərdən biri baş və üz hərəkətləri ilə kompüteri idarəetmə imkanının olmasıdır.
Belə ki, motor bacarıqlarını itirmiş istifadəçilər üçün nəzərdə tutulmuş xüsusiyyət ilk dəfə ötən ilin dekabr ayında təqdim edilib, indi daha yüksək texniki göstəricilərə malik Chromebook-lar üçün geniş şəkildə əlçatan olacaq.
Google-nin üz hərəkətləri ilə idarəetmə sahəsindəki yenilik Google-nin bu sahədə ilk addımı deyil. Daha əvvəl Windows və Android cihazları üçün Project Gameface adlı açıq mənbəli süni intellekt əsaslı əlçatanlıq vasitəsi hazırlanmışdı. Şirkət indi bu texnologiyanı ChromeOS-a inteqrasiya edərək daha geniş istifadəçi auditoriyasına çatmağı hədəfləyir.
Qeyd edək ki, Google, bu texnologiyanı hazırlayan proqram mühəndisi Amanda Lin Dietzin iştirak etdiyi bir təqdimat videosunu da paylaşıb. Videoda üz hərəkətləri ilə Chromebook-un necə idarə oluna biləcəyi ətraflı şəkildə nümayiş etdirilir.
Fatimə Məmmədova
21:12 22.01.2025
Oxunuş sayı: 13367
