Texnologiya

Kosmosda yeniliyə imza: Axiom Space ilə tarixi anlaşma

Türkiyə Kosmik Agentliyi ilə dünyanın öncül kosmik şirkətlərindən olan Axiom Space arasında tarixi bir razılaşma imzalanıb.

Crossmedia.az CNN Türk-ə istinadən xəbər verir ki, bu mühüm əməkdaşlıq, Türkiyənin kosmik sənaye ekosistemini gücləndirmək və ölkəni beynəlxalq kosmik arenada daha güclü mövqeyə daşımaq məqsədi daşıyır.

Belə ki, kosmik texnologiyalar, aviasiya, tekstil, rabitə və həyat elmləri kimi strateji sahələrdə birgə layihələrin həyata keçirilməsi planlaşdırılır. Sənaye və Texnologiya Naziri Fatih Kacır, bu əməkdaşlığı Türkiyə kosmik sənayesi üçün “yeni bir dövrün başlanğıcı” adlandıraraq qeyd edib:

"Bu tarixi layihələrlə Türkiyə, qısa zamanda illik 1 trilyon dollarlıq iqtisadi hədəfə yaxınlaşacaq. Qlobal kosmik iqtisadiyyatdan daha böyük pay alaraq, öz sözünü daha güclü bir şəkildə deyəcək".

Qeyd edək ki, bu razılaşma, Türkiyənin texnoloji inkişaf yolunda atdığı mühüm addımlardan biri olaraq tarixə keçəcək və ölkənin kosmik sahədəki iddiasını gücləndirəcək.

Fatimə Məmmədova