"Asus": "Zenfone 12 Ultra" yaxında təqdim olunacaq
Məşhur texnologiya nəhənginin yeni öncüsü "Asus: Zenfone 12 Ultra" tezliklə təqdim olunacaq.
Crossmedia.az xəbər verir ki, "Asus" bu barədə X platformasında verdiyi açıqlamada məlumat verib. "Zenfone 12 Ultra"nın çıxışı 6 fevral 2025-ci ildə rəsmiləşəcək.
Cihazın süni intellektə (AI) və kamera imkanlarına diqqət yetirəcəyi qeyd edilib. Xüsusilə 4K rezolyusiyada fokus izləmə xüsusiyyətini təqdim etməsi, kamera performansını növbəti səviyyəyə daşıyacağına işarədir. "Zenfone 12 Ultra"nın hazırlanmasında "ROG Phone 9"un texniki infrastrukturundan istifadə ediləcəyi gözlənilir. Cihazda 6,78 düym ekran, RAM və yaddaş seçimləri, sürətli batareya dəstəyi kimi xüsusiyyətlərin olacağı gözlənilir.
Tərlan Əmrahova
12:17 13.01.2025
Oxunuş sayı: 3386
