"Facebook" və "Instagram"da yeni era: İstifadəçilər artıq söz sahibidir
"Meta" "Facebook" və "Instagram"da məlumatların düzgünlüyünü yoxlamaq üçün istifadə etdiyi sistemi söndürmək qərarına gəlib. Sosial mediadan istifadə artdıqca, onun yaratdığı problemlərin sayı da artır. Bunlardan ən mühümü, informasiya çirklənməsidir. Bir çox platformalarda gündəm, siyasət və tarixi faktlarla bağlı saxta məlumatlar fakt kimi paylaşılır və milyonlarla insana çatdırılır.
Crossmedia.az xarici KİV-ə istinadən xəbər verir ki, "Meta" yalanlarla mübarizə aparmaq üçün yeni üsula keçir. "Meta", "Facebook" və "Instagram"da fakt yoxlamasını aradan qaldıracağını və X (keçmiş Twitter) üslubunda "icma qeydləri"nə keçəcəyini açıqlayıb. Şirkətin baş direktoru Mark Zukerberq bu xüsusiyyətin "siyasi meyl" olduğunu müdafiə edib. Zukerberq ifadə azadlığının köklərinə qayıtmağın vaxtı olduğunu əlavə edib.
Bu vəziyyət xüsusilə "Meta" və Donald Tramp arasında problemlər yaradıb. Tramp və onun Respublikaçı müttəfiqləri "Meta"nın fakt yoxlama siyasətini sağçı rəyi senzuraya salmaqda günahlandırdılar.
Açıqlamadan sonra Tramp Zukerberqin qərarından təəssüratlandığını və Metanın uzun bir yol keçdiyini bildirdi. Gələcəkdə bütün dünyada yalnız icma qeydlərindən istifadə ediləcək.
Tərlan Əmrahova
09:08 13.01.2025
Oxunuş sayı: 3277
