İran Bəhreyndə ABŞ-nin hərbi bazasına hücum etdiyini açıqlayıb
İran İslam İnqilabı Keşikçiləri Korpusu (SEPAH) Bəhreyndə yerləşən ABŞ hərbi obyektinə pilotsuz uçuş aparatları ilə hücum etdiyini iddia edib.
Crossmedia.az xarici KİV-ə istinadən xəbər verir.
Bildirilib ki, hücum noyabrın 17-nə keçən gecə Bəhreyndəki Şeyx İsa hərbi hava bazasında yerləşən və ABŞ qüvvələrinin istifadə etdiyi radar sistemini hədəf alıb.
SEPAH-ın məlumatına görə, əməliyyat pilotsuz uçuş aparatları vasitəsilə həyata keçirilib.
Hücumun nəticələri, radar sisteminə mümkün ziyan və hadisə zamanı xəsarət alanların olub-olmaması barədə müstəqil təsdiqlənmiş məlumat yoxdur.
Qeyd edək ki, İran noyabrın 15-də də Bəhreyndəki Əl-Riffa hərbi bazasında ABŞ-yə məxsus radar sistemini altı dronla hədəf aldığını açıqlamışdı. Bəhreyn tərəfi isə həmin hücum zamanı hava hücumundan müdafiə sistemlərinin İranın bir neçə hava hücumunun qarşısını aldığını bildirmişdi.
11:12 17.11.2026
Oxunuş sayı: 110