Bakıda əməliyyat keçirilib, altı kiloqram narkotik aşkarlanıb
Polis əməkdaşları Bakıda əməliyyat keçirib, altı kiloqram narkotik aşkarlanıb.
Bu barədə Crossmedia.az Daxili İşlər Nazirliyinin mətbuat xidmətində istinadən xəbər verir.
Bildirilib ki, 2025-ci ilin ilk günlərində həyata keçirilən növbəti əməliyyat nəticəsində narkotik vasitələrin qanunsuz dövriyyəsini təşkil edən əvvəllər məhkum olunmuş 49 yaşlı Zaur Əzizov saxlanılıb. Ondan 2 kiloqramdan artıq yüksək təsiredici xassəyə malik narkotik vasitə olan həşiş qətranı və 4 kiloqrama yaxın marixuana aşkarlanıb.
Saxlanılan şəxs ifadəsində narkotikləri şəxsiyyəti istintaqla araşdırılan İran vətəndaşından satış məqsədi ilə əldə etdiyini bildirib.
Faktla bağlı cinayət işi başlanılıb, Z.Əzizov barəsində məhkəmənin qərarı ilə həbs qətimkan tədbiri seçilib.
11:56 06.01.2025
Oxunuş sayı: 7986
