Zelenskidən Avropa və Rusiya arasında təhlükəsizlik razılaşması ilə bağlı XƏBƏRDARLIQ
Ukrayna Prezidenti Volodimir Zelenski ABŞ-nin Avropa və Rusiya arasında təhlükəsizlik mexanizminin yaradılması ilə bağlı mümkün təşəbbüsünün Ukrayna üçün təhlükəli ola biləcəyini bildirib.
Crossmedia.az xəbər verir ki, Zelenski bu barədə açıqlamasında danışıb.
Ukrayna liderinin sözlərinə görə, Amerika tərəfinin Avropa və Rusiya arasında təhlükəsizlik infrastrukturu məsələsini müzakirə etmək istədiyi barədə məlumat alıb.
“Amerika tərəfinin müəyyən təhlükəsizlik infrastrukturu, Avropa-Rusiya təhlükəsizlik infrastrukturu ideyasını müzakirə etmək istədiyini eşitmişəm. Mənim üçün bu, sadə məsələ deyil və bizim üçün təhlükəli ola bilər”, – deyə Zelenski vurğulayıb.
O, bu məsələ ilə bağlı Ukraynanın mövqeyini bütün tərəfdaşlarına açıq şəkildə çatdırdığını bildirib.
“Buna görə də bütün tərəfdaşlarımıza mövqeyimi çox aydın şəkildə bildirmişəm. Hesab edirəm ki, ilk növbədə bu müharibənin necə başa çatdırılacağını müzakirə etməliyik”, – deyə Ukrayna Prezidenti əlavə edib.
11:48 07.11.2026
Oxunuş sayı: 52
