IOS cihazları Androiddən daha təhlükəlidir
Son araşdırmalar IOS cihazlarının Android cihazlarından daha çox risk altında olduğunu üzə çıxarıb.
Crossmedia.az xəbər verir ki, "Lookout"un 2024-cü ilin üçüncü rübü üçün hazırladığı hesabatda mobil təhlükələrin artdığı qeyd olunur.
Məlumata görə, fişinq hücumlarında əvvəlki dövrlə müqayisədə 17%, zərərli proqramların aşkarlanmasında isə 32% artım müşahidə edilib. Korporativ iOS cihazlarının 19%-i mobil fişinq hücumlarına məruz qalıb, bu göstərici Android-də 10,9% olub.
Hesabatda mobil cihazların kiber hücumların əsas hədəfinə çevrildiyi və Çinlə Rusiya mənşəli təhdid qruplarının aktivliyinin artdığı vurğulanır.
"Lookout" tərəfindən 220 milyon cihaz, 360 milyon tətbiq və milyardlarla veb məzmun əsasında aparılan süni intellekt dəstəkli təhlil, mobil təhdidlərin qlobal tendensiyalarını araşdırmaq üçün mühüm mənbə rolunu oynayır. Bu analiz təhlükəsizlik qruplarına təhdidlərin idarə olunmasında kömək etməklə yanaşı, mobil cihazlardakı boşluqların işgüzar məlumatlar üçün nə qədər riskli olduğunu da göstərir.
Emil Bağızadə
05:51 06.01.2025
Oxunuş sayı: 3710
