"Google" artıq oğurluq edə bilməyəcək
Texnologiya şirkətinin məlumatına görə, "Google" öz platformasında Kanada media orqanlarının xəbərlərindən istifadə etmək üçün 100 milyon Kanada dolları ödəyib.
Crossmedia.az xəbər verir ki, Kanada xəbər agentlikləri fəaliyyətə davam etmək üçün mübarizə aparıblar. Onlar reklam gəlirlərini "Google" və "Meta"ya görə itiriblər. Onlayn Xəbərlər Qanununa əsasən, hər iki şirkətə xəbər mediasının məzmundan istifadə etdiyinə görə kompensasiya üçün böyük məbləğdə pul ödəməli olduğu bildirilib. Təzminat Kanada Jurnalistlər Kollektivinə (CJC) ödənəcək.
Lakin Meta məbləği ödəməkdən imtina edib. "CJC"yə pul ödəməmək üçün Facebook və Instagram da daxil olmaqla platformalarından Kanada xəbər məzmununu bloklayıb.
Google müqaviləsinə əsasən, 100 milyon dolların 30%-i yayımçılara ödənəcək. Qalanı isə xəbər nəşriyyatları arasında bölüşdürüləcək. "News Media Canada" rəhbəri Paul Deegan "AFP" agentliyinə bildirib ki, maliyyə agentliyin texniki təchizatının yaxşılaşdırılması və keyfiyyətli xəbər hazırlanması üçün lazımi şəkildə xərclənəcək. Kanada Yayım Korporasiyasının məlumatına görə, nəşriyyatlar işə götürülən hər bir jurnalist üçün 13,798 dollar, kiçik nəşrlər - rəqəmsal və çap nəşrləri isə hər bir tam ştatlı jurnalist üçün 17,000 dollar alacaqlar.
Tərlan Əmrahova
12:59 05.01.2025
Oxunuş sayı: 6119
