"Apple" şirkətinin ən güclü cihazları açıqlanıb
İstifadəçilərin ən çox maraqlandığı mövzulardan biri, təbii olaraq, keçən il təqdim edilən iPhone 16 modellərinin performans göstəriciləri oldu. Məlumdur ki, son bir neçə ildir seriyada standart və Pro modellərin fərqli prosessorlardan güc alması ciddi performans fərqlərinə səbəb olub və bəzi suallar doğurub.
Crossmedia.az xəbər verir ki, "AnTuTu" tərəfindən paylaşılan son siyahıya görə, dekabr ayının ən sürətli Apple cihazı 2 milyon 549 min 548 xal toplayan iPad Pro 11 (2024) olub. Siyahının ikinci pilləsində iPad Pro 13 (2024) dayanır. Bu modelin ümumi xal göstəricisi 2 milyon 521 min 855 olaraq qeydə alınıb.
Markanın ən sürətli ağıllı telefonu hazırda iPhone 16 Pro modelidir. Ümumi olaraq 1 milyon 725 min 101 xal toplayan bu modeli 1 milyon 715 min 431 xal ilə böyük qardaşı iPhone 16 Pro Max izləyir.
11:05 04.01.2025
Oxunuş sayı: 9124
