Ukraynalı deputat ABŞ rəsmilərindən sülh planını açıqlamağı istəyib
Ukrayna Ali Radasının deputatı Aleksey Qonçarenko Ukraynaya təklif olunduğu bildirilən sülh şərtlərinin ictimaiyyətə açıqlanmasını tələb edib.
Crossmedia.az xəbər verir ki, “Lenta.ru” bu barədə məlumat yayıb.
Qonçarenko ABŞ dövlət katibi Marko Rubio, ABŞ prezidentinin xüsusi nümayəndələri Stiv Uitkoff və Cared Kuşnerə məktub göndərdiyini bildirib. Deputat məktubunda hazırda müzakirə olunan müharibənin başa çatdırılması şərtlərinin açıqlanmasını istəyib.
Onun sözlərinə görə, Ukrayna hakimiyyəti xalqla ciddi müzakirələr aparmır. Qonçarenko ölkədə müharibənin başa çatdırılması ilə bağlı irəli sürülən şərtlərin cəmiyyətlə açıq şəkildə müzakirə edilməsinə çağırıb.
Qeyd edək ki, Qonçarenko daha əvvəl Rusiya ilə danışıqlara başlanılmasını tələb edib.
17:08 03.10.2026
Oxunuş sayı: 51
