“Tərəqqi” bu gün yaransaydı
1908-ci ildə “Tərəqqi”nin ilk nömrəsi Bakının küçələrinə yayılanda insanlar xəbəri kağızdan oxuyurdu. Bu gün isə eyni qəzet fəaliyyətə başlasaydı, səhər saatlarında telefon ekranlarında bildiriş kimi görünərdi. Amma dəyişməyən bir şey olardı: söz demək ehtiyacı.
O vaxt qəzetin başlığının altında “Hürriyyət, müsavat, ədalət” sözləri yazılırdı. Bu gün həmin üç söz bəlkə də qəzetin saytının əsas menyusuna çevrilərdi: “Hürriyyət” — media azadlığı haqqında yazılar, “Müsavat” — cəmiyyətdə bərabərlik məsələləri, “Ədalət” isə gündəlik həyatda insanların üzləşdiyi haqsızlıqların araşdırılması.
Prezident Kitabxanası
“Tərəqqi”nin redaksiyasında səhər iclası da yəqin ki, əvvəlkindən çox fərqli görünərdi. Bir tərəfdə qəzetin saytının statistikası, digər tərəfdə sosial şəbəkələrdə yayılan videolar, qarşıda isə günün əsas xəbərləri
Redaktor “Bu xəbəri hamı yazıb, biz başqa nə deyə bilərik?” deyə soruşardı. Çünki müasir mediada məsələ xəbəri ilk verməkdən çox, xəbərə yeni sual verməkdir.
Bəlkə də qəzetin “Ordan-burdan” rubrikası bu gün sosial şəbəkələrdəki gündəlik həyatın satirik portretinə çevrilərdi. Üzeyir bəy Hacıbəyovun felyetonları ilə tanınan həmin ənənə bu dəfə “trend olanlar”, “şərhlərdə yazılanlar” və “internetdə gördüklərimiz” üzərindən davam edərdi.
525-ci qəzet
Amma ən maraqlısı budur: 1908-ci ilin “Tərəqqi”si ilə 2026-cı ilin “Tərəqqi”si arasında texnologiya dəyişərdi, qəzetçilik yox. O zaman mürəkkəb və kağız vardı, bu gün kamera və telefon var. O zaman senzura ilə mübarizə aparılırdı, bu gün isə informasiya bolluğunda həqiqəti seçmək çətindir.
Və bəlkə də bugünkü “Tərəqqi”nin ən böyük sualı belə olardı:
Bu qədər xəbərin içində insanlara həqiqətən nəyi deməyə dəyər?
Zeynəb Həsən
14:15 01.10.2026
Oxunuş sayı: 23
