"Vivo"dan "Apple"a rəqib gəlir
Uzun müddətdir üzərində işlənən, lakin çox da uğurlu olmayan texnologiya kimi yadda qalan qarışıq reallıq eynəklərinə yenisi əlavə edilir. "Vivo", "Apple Vision Pro"ya rəqib bir cihaz hazırlayacağını açıqladı.
Crossmedia.az xarici KİV-ə istinadən xəbər verir ki, "Apple" tərəfindən son illərdə təqdim edilən "Vision Pro", qabaqcıl bir texnologiya olmasına və bir çox xüsusiyyət təqdim etsə də, satış performansı baxımından geridə qaldı. Buna səbəb batareyada yaşanan problemlər olub. Bu gün verdiyi açıqlamalarla "Vivo", gələn il birbaşa "Vision Pro" ilə rəqabət aparacaq qarışıq reallıq eynəkləri MR modelini təqdim edəcəyini açıqladı.
"Vivo" məhsulunun sentyabr və ya oktyabrda keçiriləcək bir tədbirdə elan edilməsi gözlənilir. "Vivo MR"nin "Vision Pro"dan daha çox xüsusiyyət təqdim edəcəyi gözlənilir. Təbii ki, "Vision Pro"nun iki ilə yaxındır satışda olduğunu nəzərə alsaq, bu addım böyük bir şey olmamalıdır.
"Vivo" MRT üçün 500 nəfərlik komanda yaradıb. Bu sahədə fəaliyyətini genişləndirməyi planlaşdıran şirkətin "Vision Pro"da yaşanan aşağı satış performansını necə aradan qaldıracağı maraq mövzusudur. Ancaq daha sərfəli qiymətə bazara çıxarsa diqqət çəkə biləcəyi düşünülür.
Reallıq eynəkləri 2025-ci ilin sonuna qədər Çində prototip kimi sınaqdan keçiriləcək, lakin satışlar daha uzun çəkə bilər.
Tərlan Əmrahova
07:30 31.12.2024
Oxunuş sayı: 7893
