Xarici xəbərlər
Afrikada hava “od tutub” yanır: Tunisdə rekord temperatur
Tunisdə davam edən anomal isti hava ölkədə ciddi fəsadlara səbəb olub. Yüksək temperatur fonunda xəstəxanalara müraciətlərin və ölüm hallarının sayında “misli görünməmiş” artım qeydə alınıb.
Crossmedia.az xəbər verir ki, Kayruan şəhərində temperatur 49,8 dərəcəyə yüksəlib. Məlumata görə, dünyanın ən isti 20 nöqtəsindən 6-sı hazırda Tunis ərazisində yerləşir.
Tunisdə Gənc Həkimlər Təşkilatı təcili yardım şöbələrində günvurma və həddindən artıq isti səbəbindən xəstəxanaya yerləşdirilənlərin sayında kəskin artım olduğunu açıqlayıb.
Güclü istilər ölkənin enerji sisteminə də təsir göstərib. Tunis Elektrik və Qaz Şirkəti ölkənin müxtəlif bölgələrində müvəqqəti elektrik kəsintilərinə yenidən başlayıb.
10:22 30.08.2026
Oxunuş sayı: 57
