Mədəniyyət

Buzovna dənizkənarı qayalıqları Dövlət Təbiət abidəsində çox maraqlı eko art layihə təşkil edilir

Buzovna qayalıqlarının ekoloji və tarixi əhəmiyyətini tanıtmaq, ictimai mühitə qarşı sosial məsuliyyət hissini artırmaq, sənət vasitəsilə təbiət və insan arasındakı əlaqəni göstərmək, təbiət abidələrinin qorunmasına çağırış etmək məqsədilə həyata keçiriləcək “Xəzərin mirvarisi – Buzovna qayalığı” layihəsinə start verilir. Bu layihə Buzovna, habelə digər Bakı kənd sakinlərindən ibarət ekoloji könüllülər komandası olan Tarixi Abidələr Könüllüləri ilə birgə həyata keçiriləcək.

Crossmedia.az xəbər verir ki, layihə çərçivəsində Buzovna sahilindəki tarixi qayalıqların ekoloji və mədəni dəyərinə diqqət çəkmək əsas hədəflərdən biridir. Layihənin icrası “Plenerdə rəsm”, “Konseptual yanaşma”, “Hesabat sərgisi” başlıqları altında mərhələli şəkildə nəzərdə tutulur.

İlkin mərhələ olan “Plenerdə rəsm” 31 avqust tarixində Buzovna dənizkənarı qayalıqları Dövlət Təbiət Abidəsi ərazisində təşkil olunacaq. Bu mərhələdə bir çox təcrübəli rəssamlar ilə yanaşı, Bakı Gənclər Mərkəzi və Xəzər Gənclər Evinin gənc rəssamları da qeyd olunan ərazidə etüdlər işləyərək sözügedən tarixi qayalıqların gözəlliyini və üzləşdiyi ekoloji problemləri əsərlərində əbədiləşdirəcək.

Plenerdə iştirak edəcək rəssamlar

Rəfayel Muradov

Arif Əziz

Arif Hüseynov

Vüqar Əli

İlqar Əkbərov

⁠Gündüz Hunlar

Mir Azər Abdullayev

Nailə Əhmədova

⁠Polad Məmmədov

Namiq Cavad

Əsma Cavad