ABŞ kəşfiyyat təyyarəsi Qara dəniz üzərində rekord uçuş həyata keçirib
NATO-nun ABŞ-yə məxsus kəşfiyyat təyyarəsi Qara dənizin neytral suları üzərində doqquz saat uçaraq əvvəlki rekordunu təkrarlayıb.
Crossmedia.az xəbər verir ki, bu barədə “TASS” dispetçer xidmətlərindəki mənbəyə istinadən məlumat yayıb.
Mənbənin sözlərinə görə, “Bombardier ARTEMIS II” təyyarəsi Rumıniyanın Konstansa şəhərindəki aerodromdan havaya qalxıb. Moskva vaxtı ilə saat 09:40 radələrində Qara dənizin cənub hissəsi üzərində uçuşa başlayıb, təxminən 11 kilometr yüksəklikdə qərbdən şərqə və əks istiqamətdə hərəkət edib.
Məlumata görə, təyyarə Rumıniyadan başqa heç bir dövlətin hava məkanına daxil olmayıb. Bununla belə, bir neçə dəfə Rumıniya ilə Ukrayna sərhədinə yaxın əraziyə uçub.
Mənbə xatırladıb ki, həmin təyyarə cari ilin iyul ayının sonunda da Qara dəniz üzərində doqquz saatlıq uçuş həyata keçirib. Beləliklə, əvvəlki rekord yenidən təkrarlanıb.
22:39 03.11.2026
Oxunuş sayı: 65
