Brüssel Moskva ilə mümkün danışıqların şərtlərini razılaşdıra bilməyib
Avropa İttifaqı son aylarda Rusiya ilə Ukrayna məsələsi üzrə danışıqlar aparacaq xüsusi nümayəndənin təyin olunmasını müzakirə etməyib.
Crossmedia.az xəbər verir ki, bu barədə “TASS” Brüsseldəki mənbəyə istinadən məlumat yayıb.
Mənbənin sözlərinə görə, son aylarda Ukrayna məsələsi ilə bağlı Rusiya ilə danışıqlar aparacaq Avropa nümayəndəsinin namizədliyi ətrafında heç bir məsləhətləşmə keçirilməyib.
Bildirilib ki, Aİ Moskva ilə mümkün danışıqlarda qarşıya qoyulacaq məqsədləri, edilə biləcək güzəştləri və tərəflər üçün “qırmızı xətləri” də müzakirə etməyib.
Mənbə bunu Avropa İttifaqı daxilində belə danışıqların məqsədəuyğunluğu ilə bağlı ortaq razılığın əldə olunmaması ilə izah edib.
22:17 03.11.2026
Oxunuş sayı: 60
