Apple iPhone 16 üçün ‘Dinamik Ada 2’ niyə ləğv edilib?
Apple iPhone istifadəçilərinin sevimli funksiyası olan Dinamik Ada xüsusiyyəti, iPhone 16-da yeni bir versiya ilə qarşımıza çıxmadı.
Apple, ekranı kənardan kənara tamamilə örtən və altına yerləşdirilən bir kamera sistemi olan bir OLED paneli inkişaf etdirmək istəyir. Lakin bu vizyonu reallaşdırmaq üçün lazım olan texnologiya hələ mükəmməlləşdirilməyib. Şirkət, bazarda əvvəllər oxşar ekran texnologiyalarını təqdim edən Samsung Galaxy S6 Edge Plus kimi cihazların yanaşmalarını yetərli saymır və “Apple üslubunda” mükəmməllik axtardıqlarını bildirir.
Samsung Display və LG Display kimi böyük istehsalçılar, bu cür OLED ekranını Apple üçün istehsal etmək üzrə işləyirlər. Lakin ekranın kənarlarında optik yapışdırıcı səbəbindən yaranan pozulmalar, daxili dövrələrin yenidən layihələndirilməsi və ekranın qırılqanlığını artırmadan bu dizaynı mümkün etmək kimi çətinliklər hələ də həllini gözləyir.
Hesabatlara görə, sıfır çərçivəli iPhone-un buraxılışı üçün ən erkən tarix 2027-ci il olaraq göstərilir. Bu, Apple-ın bu texnologiyanı ən yaxşı şəkildə təqdim etmə məqsədinə paralel gəlir. Şirkət, bu texnologiyanın tələsik olmadan, bütün detallarıyla mükəmməl şəkildə işləməsini istəyir.
2027-ci il yalnız Apple üçün deyil, texnologiya dünyası üçün də maraqlı inkişaflara şahid ola bilər. Samsung-un 1.4 nm çip istehsalı planları və Meta-nın gözlənilən artırılmış reallıq eynəkləri kimi yeniliklər bu dövrə damğasını vura bilər. Əgər Apple sıfır çərçivəli iPhone-u bu tarixdə bazara təqdim edərsə, bu yalnız bir telefon olmayacaq, eyni zamanda sənayəni yönləndirəcək bir inqilab yarada bilər.
Nərgiz Camalzadə
12:28 25.12.2024
Oxunuş sayı: 19928
