MKİ-dən diqqətçəkən iddia: Rus əsgərlərinin döyüş ömrü yarım saatdan azdır
ABŞ Mərkəzi Kəşfiyyat İdarəsinin (MKİ) direktoru Con Retkliff Ukraynada döyüş bölgəsinə göndərilən Rusiya hərbçilərinin orta ömür müddətinin cəmi 20–30 dəqiqə olduğunu iddia edib.
Crossmedia.az xəbər verir ki, Retkliff bu barədə Pensilvaniyada keçirilən müdafiə və innovasiyalar sammitində çıxışı zamanı danışıb.
Onun sözlərinə görə, bu vəziyyət Ukrayna ordusunun süni intellekt elementləri ilə təchiz edilmiş zərbə tipli pilotsuz uçuş aparatlarından geniş istifadə etməsi ilə əlaqədardır.
“Ukrayna ilə bağlı kəşfiyyat məlumatlarımız açıq mənbələrdə yayılan bəzi məlumatlarla üst-üstə düşür. Döyüş bölgəsinə çatdıqdan sonra rusiyalı yeni çağırışçının orta ömür müddəti 20–30 dəqiqə olaraq qiymətləndirilir”, – deyə MKİ direktoru bildirib.
10:34 17.07.2026
Oxunuş sayı: 55
