Hakan Fidan: Türkiyə Ukraynaya dəniz təhlükəsizliyi zəmanəti verməyə razılaşıb
Türkiyə Ukrayna üçün nəzərdə tutulan təhlükəsizlik zəmanətlərinin dəniz komponentinə rəhbərlik etməyə razılıq verib.
Crossmedia.az xəbər verir ki, bunu Türkiyənin xarici işlər naziri Hakan Fidan Kiyevdə ukraynalı həmkarı Andrey Sibiqa ilə keçirdiyi mətbuat konfransında deyib.
Fidan bildirib ki, potensial sülh sazişi çərçivəsində Ukrayna üçün təhlükəsizlik zəmanətlərinin quru, dəniz və hava komponentləri müzakirə olunur.
"Türkiyə dəniz komponentinə rəhbərlik etməyə razılıq verib. Bu məsələ ilə bağlı müttəfiqlərimizlə qarşılıqlı anlaşma mövcuddur. Həmçinin aidiyyəti müttəfiq hərbi dəniz qüvvələri ilə planlı iş aparılır", – deyə nazir vurğulayıb.
15:19 16.07.2026
Oxunuş sayı: 56
