Aİ ukraynalılar üçün müvəqqəti müdafiə müddətini uzadır: yeni şərt tətbiq ediləcək
Avropa İttifaqı ukraynalılar üçün müvəqqəti müdafiə rejiminin müddətini 2028-ci ilin martınadək uzatmaq qərarına gəlib, lakin yeni müraciət edənlər üçün əlavə tələb müəyyən ediləcək.
Crossmedia.az xəbər verir ki, "Reuters" bu barədə məlumat yayıb.
Yeni qaydaya əsasən, müvəqqəti müdafiə statusu yalnız Ukrayna qanunvericiliyinə uyğun olaraq hərbi öhdəliklərini yerinə yetirmiş Ukrayna vətəndaşlarına veriləcək.
Bildirilib ki, bu məhdudiyyət hazırda Avropa İttifaqı ölkələrində müvəqqəti müdafiə altında yaşayan ukraynalılara şamil edilməyəcək. Yeni tələb yalnız bundan sonra müraciət edən şəxslərə aid olacaq.
Məlumata görə, 2026-cı ilin may ayına olan vəziyyətə əsasən, Avropa İttifaqı ölkələrində 4,38 milyon Ukrayna vətəndaşı müvəqqəti müdafiə statusundan istifadə edib.
13:12 15.07.2026
Oxunuş sayı: 56
