BƏƏ ABŞ-dən süni intellekt çiplərinə daha geniş çıxış əldə edib
Birləşmiş Ərəb Əmirlikləri ABŞ-dən süni intellekt çiplərinə daha geniş çıxış imkanı əldə edib.
Crossmedia.az xəbər verir ki, "The Wall Street Journal" bu barədə məlumat yayıb.
Məlumata görə, bu qərar Birləşmiş Ərəb Əmirliklərinin İran əleyhinə həyata keçirilən hərbi əməliyyatlarda ABŞ-yə göstərdiyi dəstəklə əlaqələndirilir.
Nəşrin yazdığına görə, söhbət xüsusilə ABŞ-nin İran ərazisinə endirdiyi onlarla hava zərbəsinə Birləşmiş Ərəb Əmirliklərinin verdiyi dəstəkdən gedir.
"The Wall Street Journal" qeyd edir ki, məhz bu əməkdaşlıq fonunda Vaşinqton Birləşmiş Ərəb Əmirliklərinə qabaqcıl süni intellekt çiplərinə çıxış imkanlarını genişləndirib.
12:27 15.07.2026
Oxunuş sayı: 56
