Xarici xəbərlər

Putinin nümayəndəsi Aİ və Böyük Britaniyanı "vassal" adlandırıb

Rusiya Prezidentinin xarici ölkələrlə investisiya-iqtisadi əməkdaşlıq üzrə xüsusi nümayəndəsi Kirill Dmitriyev Avropa İttifaqı və Böyük Britaniyanın "orta güc" strategiyasını tənqid edərək onları "vassal" adlandırıb.

Crossmedia.az xəbər verir ki, bu barədə o, "X" sosial şəbəkəsində paylaşdığı açıqlamada bildirib.

Qeyd edibki, Avropa İttifaqı və Böyük Britaniyanın "orta güc" statusuna əsaslanan strategiyası artıq ABŞ-də narahatlıq doğurmağa başlayıb.

"Avropa İttifaqı və Böyük Britaniyadan olan vassallar öz yerlərini bilməlidirlər", – deyə o qeyd edib.

Rusiya rəsmisinin sözlərinə görə, bu qiymətləndirmə ABŞ müdafiə nazirinin siyasi məsələlər üzrə müavini Elbric Kolbinin "orta güclər" strategiyasının son nəticədə yalnız vaxt və maliyyə vəsaitinin itirilməsinə səbəb olacağı ilə bağlı fikirlərinə münasibət olaraq səsləndirilib.

Qeyd edək ki, beynəlxalq münasibətlərdə "orta güc" termini regional və ya beynəlxalq səviyyədə mühüm iqtisadi və diplomatik təsirə malik olan, lakin qlobal hegemon statusuna sahib olmayan dövlətləri ifadə edir.

🖨 Çap et

09:31 15.07.2026

Oxunuş sayı: 58