Qərb Rusiya- Afrika münasibətlərini pozmağa çalışır
Qərb ölkələrinin Rusiya ilə Afrika dövlətləri arasında əməkdaşlığın inkişafına mane olmağa çalışdığı bildirilib.
Crossmedia.az bu barədə ˝TASS˝agentliyinə istinadən xəbər verir.
Bəyanatda qeyd olunub ki, Qərb Rusiyanın, xüsusilə Sahara-Sahel bölgəsi ölkələri ilə münasibətlərini zəiflətmək məqsədilə müxtəlif vasitələrdən istifadə edir. İddialara görə, bu məqsədlə təkcə terror qruplaşmaları deyil, həm də Ukraynadan olan silahlılar cəlb olunur.
Həmçinin vurğulanıb ki, Rusiya Sahel ölkələrinin milli silahlı qüvvələrinin döyüş qabiliyyətinin artırılması, hərbi qulluqçuların və hüquq-mühafizə orqanları əməkdaşlarının hazırlanması istiqamətində ikitərəfli əsasda dəstəyini davam etdirəcək. Humanitar yardımın göstərilməsinin də davam edəcəyi bildirilib.
Bəyanatda əlavə olunub ki, Rusiya ilə Afrika ölkələri arasında terrorizmlə mübarizə sahəsində əməkdaşlığın əhəmiyyətinin bu ilin oktyabrında Moskvada keçiriləcək III Rusiya–Afrika Sammiti çərçivəsində bir daha təsdiqlənəcəyi gözlənilir.
18:10 14.07.2026
Oxunuş sayı: 52
