Dövlət Dumasında Plüşenkonun “deqradasiya” açıqlaması tənqid olunub
Rusiya Dövlət Dumasının deputatı Svetlana Jurova fiqurlu konkisürmə üzrə ikiqat Olimpiya çempionu və məşqçi Yevgeni Plüşenkonun Rusiyada idmanın “deqradasiyaya uğraması” ilə bağlı fikirlərini tənqid edib.
Crossmedia.az xəbər verir ki, "Gazeta.ru" bu barədə məlumat yayıb.
Dövlət Dumasının deputatı, Olimpiya çempionu Svetlana Jurova bildirib ki, Plüşenko bu mövzuda daha ehtiyatlı ifadələr seçməli idi.
Onun sözlərinə görə, əgər Plüşenko Rusiya idmançılarının beynəlxalq yarışlarda iştirak etməməsinin idman növünün inkişafına mənfi təsir göstərdiyini desəydi, bu normal qarşılanardı.
"Jenya sözlərinə daha diqqətli olmalıdır. O, "deqradasiya" ifadəsini işlətdi və hamı məhz bu sözə diqqət yetirdi", – deyə Jurova bildirib.
Qeyd edək ki, Plüşenko daha əvvəl Rusiya idmançılarının beynəlxalq yarışlardan kənarda qalmasının fiqurlu konkisürmənin inkişafına mənfi təsir göstərdiyini və bunun "deqradasiya"ya səbəb olduğunu bildirmişdi.
16:56 14.07.2026
Oxunuş sayı: 48
