Braziliya Prezidenti: İranın nüvə silahı hazırladığı iddiaları həqiqəti əks etdirmir
Braziliya Prezidenti Luiz İnasio Lula da Silva ABŞ-nin İranın nüvə silahı hazırladığı barədə iddialarını rədd edərək, müharibənin bu bəhanə ilə başladıldığını bildirib.
Crossmedia.az xəbər verir ki, "Reuters" bu barədə məlumat yayıb.
Lula da Silva bildirib ki, İranın nüvə silahı hazırlamaq niyyətində olduğu barədə səsləndirilən iddialar həqiqəti əks etdirmir.
Onun sözlərinə görə, 2010-cu ildə Türkiyə Prezidenti ilə birlikdə İranda olub və həmin vaxt İranın nüvə silahı istehsal etməyəcəyini, uranı yalnız elmi məqsədlər üçün zənginləşdirəcəyini nəzərdə tutan sənəd imzalanıb.
Braziliya Prezidenti hazırkı vəziyyəti İraqın keçmiş lideri Səddam Hüseynin kütləvi qırğın silahlarına malik olması ilə bağlı vaxtilə irəli sürülən iddialarla müqayisə edib.
Lula da Silva qeyd edib ki, İraq sonradan əsassız olduğu ortaya çıxan ittihamlar əsasında dağıdılıb. Burada təqdim olunan fikirlər Braziliya Prezidentinin mövqeyini əks etdirir və müstəqil şəkildə təsdiqlənməyib.
16:07 14.07.2026
Oxunuş sayı: 51
