"ChatGPT" indi qeydlərimizi də oxuya bilir
OpenAI tərəfindən hazırlanmış və ilk dəfə 2022-ci ildə istifadəyə verilmiş "ChatGPT" əvvəlcə yalnız veb brauzerdən istifadə edilirdi. Daha sonra mobil cihazlara, Windows kompüterlərinə təqdim edilən və daha sonra "MacOS" platforması üçün də buraxılan bu süni intellekt aləti çox əhatəli deyildi.
Crossmefdia.az x\b\r verir ki, ancaq ən son yeniləmə ilə "MacOS" üçün "ChatGPT" indi daha bir çox proqramla qarşılıqlı əlaqədə ola bilər.
"OpenAI" "MacOS" üçün "ChatGPT" tətbiqini daha funksional və hərtərəfli etdi. Yeniləmə sayəsində "ChatGPT" indi "Apple" "Notes" və "Notion" kimi məşhur qeyd proqramları ilə inteqrasiya edə bilər.
Bu yeniləmə təkcə qeyd proqramları ilə məhdudlaşmır, həm də tərtibatçılar üçün "Android Studio", "JetBrains", "VSCodium" və digər proqram təminatlarının inkişaf etdirilməsi alətləri üçün inteqrasiya gətirir. Süni intellekt proqram inkişaf alətlərindəki kodları oxuyub təhlil edə və təkmilləşdirmə təklifləri verə biləcək.
"ChatGPT"nin qarşılıqlı əlaqə funksiyalarından yalnız Plus, Pro, Team, Enterprise və Edu abunəçiləri istifadə edə bilər. Beləliklə, ona daxil olmaq üçün pul ödəməlisiniz.
Tərlan Əmrahova
08:41 22.12.2024
Oxunuş sayı: 17356
