Elon Musk və Bezos arasında diqqətçəkən yemək: Texnologiya dünyasında yeni yaxınlaşma?
İlon Mask “X” (Twitter) hesabında etdiyi paylaşımda bu yeməyi “möhkəm bir söhbət” kimi təsvir edib. Bu görüşmə, texnologiya dünyasının öncül simalarından biri olan Bezosun rəqibləri və siyasi liderlərlə münasibətlərini yaxşılaşdırmaq üçün atdığı bir addım kimi dəyərləndirilir.
“Amazon” və “Blue Origin” şirkətlərinin sahibi olan Bezos, xüsusilə keçmişdə “Washington Post” üzərindən ABŞ-nin keçmiş prezidenti Donald Tramp ilə sərt mübahisələr yaşamışdı. Lakin ötən ilin iyul ayında Trampa qarşı planlaşdırılan sui-qəsd cəhdindən sonra verdiyi müsbət açıqlamalarla diqqət çəkmiş və bu açıqlamalar iki tərəf arasında münasibətləri yumşaltmışdı. Bezosun qısa müddət əvvəl Trampın ikinci dönəm prezidentliyi ilə bağlı “çox nikbin” olduğunu ifadə etməsi isə belə bir görüşmənin siqnallarını vermişdi.
Bununla belə, Bezos ilə İlon Mask arasındakı rəqabət də uzun müddətdir ki, məlumdur. Bildiyiniz kimi, “SpaceX” və “Blue Origin” NASA və ABŞ hökumətinin böyük miqyaslı tenderləri uğrunda mübarizə aparan iki nəhəng şirkətdir. Mask, Bezosun Tesla və SpaceX səhmlərini Trampın seçkilərdə məğlub olacağı səbəbilə satmalı olduğunu söylədiyini iddia etmişdi. Bezos isə bu açıqlamanı qətiyyətlə təkzib etmişdi.
Bu yemək, texnologiya dünyasının digər böyük adlarının da Tramp ilə əlaqələrini gücləndirmək cəhdlərinin bir hissəsi kimi qiymətləndirilir. “Meta”nın baş direktoru Mark Zuckerberg və “Google”un baş direktoru Sundar Pichai, son həftələrdə Tramp ilə Floridada yerləşən istirahət mərkəzində bir araya gələnlər arasında olub. Həmçinin, “Meta”, “Amazon” və “OpenAI” şirkətlərinin CEO-ları Sam Altman, Trampın andiçmə mərasimi fonuna hər biri 1 milyon dollar ianə edərək diqqət çəkmişdi.
Görüşdə hansı məsələlərin müzakirə edildiyi tam olaraq məlum deyil, lakin bu görüşmə Tramp-ın texnologiya dünyasında təsirini artırma cəhdi kimi dəyərləndirilir.
Nağızadə Emil
14:41 19.12.2024
Oxunuş sayı: 15070
