Çində batareya və superkapasitordan ibarət hibrid enerji saxlama qurğusu istifadəyə verildi
Çində batareya və superkapasitordan ibarət hibrid enerji saxlama qurğusu istifadəyə verildi. Çinin dövlət mədənçilik və enerji şirkəti olan "CHN Energy"-nin törəmə müəssisəsi "Longyuan Power", Şandong əyalətinin "Zhaoyuan" şəhərindəki 320 MVt/640 MVts enerji saxlama layihəsinin ilk mərhələsini istifadəyə verib. Əyalətin ən böyük enerji saxlama qurğusu olan, 200 MVt/400 MVts gücünə malik qurğu, bölgənin enerji saxlama sektoru üçün mühüm bir dönüş nöqtəsini ifadə edir.
61 dönümlük bir ərazidə qurulan qurğunun 170 milyon dollara başa gəldiyi bildirilir. Qurğuda, 3,35 MVt/6,7 MVts gücündə 60 batareya sistemi, 3 MVt/6 dəqiqə gücündə bir superkapasitor, PCS sistemləri, əsas transformator və bir artırıcı transformator mərkəzi bir araya gələrək müasir hibrid saxlama texnologiyasını yaradır.
Superkapasitorlar müxtəlif üstünlüklər təmin edir
Superkapasitorların daxil edilməsi sistemə mühüm üstünlüklər qazandırır. Çox yüksək güc sıxlığı və sürətli yükləmə-boşaltma qabiliyyətinə malik olan superkapasitorlar, şəbəkə tələblərinə çox tez cavab verə bilir. Bundan əlavə, 100.000 yükləmə-boşaltma dövrünə (ənənəvi litium-ion batareyaların 50 qatına) malik olan ultra uzun ömürləri davamlılığı artırır. Həmçinin, superkapasitorlar 90%-dən çox enerji çevrilmə səmərəliliyinə və ətraf mühitə dost bir profile malikdir. Superkapasitorların ənənəvi elektrokimyəvi saxlama ilə birləşdirilməsi həm yüksək enerji sıxlığına, həm də sürətli cavab müddətlərinə nail olmağa imkan yaradır.
Sevinc Abuşova
15:50 09.12.2024
Oxunuş sayı: 8237
