Texnologiya

Dünyanın ən çox satılan telefon modelləri

"Counterpoint Research" tərəfindən yayımlanan yeni hesabatda 2024-cü ilin üçüncü rübü etibarilə dünyanın ən çox satılan ağıllı telefonları siyahısı açıqlanıb. Bu dövrdə "iPhone 16" seriyasının bazara çıxdığını xatırladaq. Qısa satış müddəti bu modellərdən hər hansı birinin siyahıya daxil olmasını təmin edə bilməyib.

Ən çox satılan ağıllı telefon modellərinə baxdıqda siyahıya "Apple"ın damğa vurduğunu söyləmək yanlış olmaz. Bu siyahı eyni zamanda dünya üzrə ağıllı telefon istifadəçilərinin satınalma gücü arasındakı kəskin fərqi ortaya qoyur. Siyahının üstündə, birinci sinif bir ağıllı telefon ala biləcək maddi gücə sahib şəxslər var və bu şəxslər əsasən "iPhone" modellərinə üstünlük verirlər. Bunun səbəbi, "iPhone"un bir çox ölkədə alman lüks avtomobilləri ilə müqayisə edilərək bir status simvolu kimi qəbul edilməsidir.

Ardınca "Android" telefonlara keçir və siyahıda "Samsung"un bir neçə büdcə modelinin yer aldığını görürük. Flaqman bir ağıllı telefon ala bilməyənlər, böyük ehtimalla daha çox etibarlılıq və məxfilik təəssüratı səbəbilə "Samsung" modellərinə üstünlük verirlər.

Siyahıda diqqət çəkən başqa bir məqam isə "iPhone 14"ün iki il keçməsinə baxmayaraq hələ də ən çox satılan 10 telefon arasında yer almasıdır. Siyahının sonuncu sırasında isə tək "Android" flaqman telefonu yer alır. "Samsung Galaxy S24", əvvəlki "Galaxy S" seriyası modellərindən fərqli olaraq, bu siyahıda ən uzun müddət qalan telefon olub.

Budur Dünyanın Ən Çox Satılan Telefonları:

1. "iPhone 15"

2. "iPhone 15 Pro Max"

3. "iPhone 15 Pro"

4. "Samsung Galaxy A15 4G"

5. "Samsung Galaxy A15 5G"

6. "Samsung Galaxy A05"

7. "Redmi 13C 4G"

8. "Samsung Galaxy A35"

9. "iPhone 14"

10. "Samsung Galaxy S24"

Emil Nağızadə