Ən güclüsü: "Xiaomi 15 Ultra" gözləniləndən daha tez gəlir
"Xiaomi 15" seriyası oktyabr ayında təqdim edildikdən sonra bütün diqqətlər Ultra modelinə yönəldi. Yeni modelin əsas xüsusiyyətləri və dizaynı haqqında indiyə qədər kifayət qədər məlumat sızdırıldığı üçün çox da sual işarəsi qalmayıb. Bəs "Xiaomi 15 Ultra" nə vaxt təqdim olunacaq?
"Xiaomi 15 Ultra" gözləniləndən daha erkən tanıdılacaq.
"Xiaomi 14 Ultra" bu ilin 22 fevralında təqdim edilmişdi. Ancaq yeni yayılan məlumatlara görə, "Xiaomi 15 Ultra", 3C sertifikatı alıb və model nömrələri "25010PN30C" və "25019PN30C" olaraq qeydə alınıb. İddialara əsasən, yeni cihaz 2025-ci ilin yanvar ayında tanıdılacaq. Əgər bu məlumat doğru olarsa, yeni model əvvəlkindən bir ay daha tez bazara çıxacaq.
Təqdim ediləcək modelin dizaynı, sələfi ilə böyük ölçüdə oxşarlıq göstərəcək. Ancaq əsas fərqlilik kamera quruluşunda olacaq. Belə ki, "Xiaomi 15 Ultra", daha asimmetrik yerləşdirilmiş sensorlarla fərqlənəcək. Ön tərəfdə isə dəyişikliklər gözlənilmir. Cihaz, seriyanın digər modelləri kimi yüksək ekran/gövdə nisbəti ilə istifadəçilərin qarşısına çıxacaq.
"Xiaomi 15 Ultra"nın məlum xüsusiyyətləri:
Xüsusiyyətlər:
Ekran 6,73 düym, 120 Hz yeniləmə tezliyi, 1440×3200 çözünürlük
Əsas Kamera 1 düym, f/1.63 diyafram genişliyi
Telefoto Lens (Qısa məsafə) 50 MP, 2x zoom
Telefoto Lens (Periskop) 200 MP, 4.3x zoom
Batareya Tutumu 5.450 mAh – 5.800 mAh
Dayanıqlılıq IP68 və IP69 sertifikatı (suya və toza davamlı)
Dizayn Yüngül kavisli, incə profil
Performans Qualcomm Snapdragon 8 Elite prosessoru
"Xiaomi 15 Ultra", qabaqcıl texnologiyası və yüksək performansı ilə ağıllı telefon bazarında yeni standartlar müəyyən edəcək. Kamera sistemindən tutmuş ekran keyfiyyətinə qədər bir çox sahədə diqqət çəkən bu modelin tezliklə təqdim ediləcəyi xəbəri texnologiya sevərləri həyəcanlandırmağa kifayət edir. Gözləntilərinizə dəyəcəkmi? Yanvar ayında öyrənəcəyik!
Sevinc Abuşova
16:32 07.12.2024
Oxunuş sayı: 9916
