Son 24 saat ərzində ABŞ Yaxın Şərqə “F-35”, “F-22” və “F-16” qırıcılarını yerləşdirib.
Crossmedia.az bu barədə “Axios” nəşrinə istinadən xəbər verir. Analitiklər bildirirlər ki, bu miqyasda hərbi yerləşdirmə bölgədə onsuz da həssas olan vəziyyəti daha da gərginləşdirə bilər.
Qeyd olunur ki, bu addım Cenevrədə keçirilmiş İran-ABŞ nüvə danışıqları ilə eyni vaxta təsadüf edir və Vaşinqtonun bölgədə artan hərbi fəallığının göstəricisi kimi qiymətləndirilir.
ABŞ rəsmisi açıqlayıb ki, danışıqlarda müəyyən irəliləyiş əldə olunub, lakin hələ müzakirə edilməli çoxlu detallı məsələlər qalır. İran tərəfi isə iki həftə ərzində daha geniş təklif təqdim edəcəyinə söz verib.
