Bu ölkənin 50 faizindən çoxu xoşbxətdir
TÜİK-in 2025-ci il üçün “Yaşam Memnuniyeti Araşdırması”nın nəticələrinə görə, Türkiyədə 18 yaş və yuxarı əhali arasında özünü xoşbəxt hesab edənlərin payı 2024‑lə müqayisədə artaraq 53,3 %‑ə çatıb.
Crossmedia.az bu barədə türk mediasına istinadən xəbər verir.
Bu, öncəki ildəki 49,6 %‑dən 3,7 faiz bəndi çoxdur. Bədbəxt olduğunu bildirənlərin faizi isə 14,5 %‑dən 13 %‑ə enib.
Cinsiyyətə görə baxıldığında qadınların ümumi xoşbəxtlik hissi kişilərə nisbətən daha yüksək olub. Eyni zamanda müxtəlif yaş qruplarında da xoşbəxtlik səviyyəsində artım müşahidə olunub.
Araşdırmada iştirak edənlərin əksəriyyəti həyatında ən böyük problem kimi həyat bahalılığını (%31,3) göstərib. Bu göstərici, maddi çətinliklərin ölkədə ən ciddi narahatlıq olduğunu ortaya qoyur.
Ümumilikdə, respondentlərin böyük hissəsi gələcəklərinə ümidlə baxdığını bildirir və həyat keyfiyyətindəki yüksəlişə baxmayaraq iqtisadi çətinliklərin gündəlik həyatda hələ də əsas problem olaraq qaldığı vurğulanır.
00:35 18.02.2026
Oxunuş sayı: 545
