Xarici xəbərlər

Ukrayna son həftədə böyük irəliləyiş qazanıb

Ukrayna Silahlı Qüvvələri son həftə ərzində Rusiya ordusundan 200 kvadrat kilometrdən çox ərazini azad edərək, son 2,5 ildə ən sürətli irəliləyişini əldə edib.

Crossmedia.az bu barədə xarici mediaya istinadən xəbər verir.Müharibə Tədqiqatları İnstitutunun (ISW) məlumatına görə, 11-15 fevral tarixlərində Ukrayna qüvvələri ruslardan 201 kvadrat kilometr ərazini geri alıb. Hərbi ekspertlər bildirirlər ki, Ukrayna qoşunları bu uğuru rusların Starlink terminallarının bloklanmasından istifadə etməklə reallaşdırıb.

Geri alınan ərazi, demək olar ki, Rusiyanın dekabr ayında qazandığı sahəyə bərabərdir. 2023-cü ilin iyun ayında başlayan əks-hücumdan bəri bu, Ukrayna ordusunun qısa müddətdə geri aldığı ən böyük torpaq sahəsi sayılır. Ekspertlər qeyd edirlər ki, Rusiya tərəfi ehtimal ki, vəziyyətə uyğunlaşacaq, lakin Ukrayna bu momentumdan məharətlə istifadə edib.

🖨 Çap et

13:30 17.02.2026

Oxunuş sayı: 599