İranın “daxili zəifliyi” nüvə danışıqlarında problemlər yaradır
İranda etirazlar bir neçə həftə ərzində qanla yatırılmasına baxmayaraq, ölkədə ictimai qəzəb və narazılıq səngiməyib.
Crossmedia.az bu barədə "The Washington Post" a istinadən xəbər verir.Qəzetin məlumatına görə, İslam Respublikasının repressiyaları zamanı minlərlə insan öldürülüb, on minlərlə vətəndaş həbs edilib və həbslər hələ də davam edir. Hesabatda vurğulanır ki, ölkədə cəmiyyət dərin şok və yas içindədir.
Nəşr bildirir ki, İran hakimiyyəti ABŞ ilə Cenevrədə planlaşdırılan nüvə danışıqlarının yeni mərhələsi ərəfəsində kövrək vəziyyətdədir. Ekspertlərin fikrincə, bu “daxili zəiflik” hakimiyyətin danışıqlarda geniş güzəştlərə getməsini çətinləşdirə bilər. Qəzet yazır ki, Tehran bir tərəfdən beynəlxalq təzyiqlərlə, digər tərəfdən isə daxildə artan ictimai narazılığı nəzarətdə saxlamağa çalışır.
10:25 17.02.2026
Oxunuş sayı: 605
