Xarici xəbərlər
Bu ölkənin borcu son 20 ildə REKORD HƏDDƏ ÇATDI
Rusiyanın xarici borcu son 20 ilin ən yüksək səviyyəsinə çatıb.
Crossmedia.az xəbər verir ki, bu barədə "Bloomberg" Maliyyə Nazirliyinə istinadən məlumat yayıb.
Məlumata görə, 1 fevral 2026-cı il tarixinə Rusiyanın xarici borcu 61,97 milyard dollar təşkil edib ki, bu da 2006-cı ildən bəri ən yüksək göstəricidir. Eyni zamanda, Rusiya Mərkəzi Bankı ölkənin ümumi xarici borcunu 319 milyard dollar səviyyəsində qiymətləndirir.
Bununla belə, borcun artmasına baxmayaraq, borc-ÜDM nisbəti baxımından Rusiya nisbətən aşağı göstəriciyə malikdir. 2025-ci ilin sonunda bu rəqəm ÜDM-in təxminən 16,1–17,7 faizi həddində olub.
Məlumatda həmçinin Ukraynanın borc göstəricilərinə də toxunulub. Bildirilir ki, 2025-ci ilin sonuna qədər Ukraynanın ümumi dövlət və dövlət tərəfindən təmin edilmiş borcu tarixi maksimuma – 213,33 milyard dollara çatıb. Bu göstərici il ərzində 28,5 faiz (47,27 milyard dollar) artım deməkdir.
Qeyd olunur ki, Ukraynanın dövlət borcu 2025-ci ildə ÜDM-in 90 faizini ötüb və Beynəlxalq Valyuta Fondunun proqnozlarına əsasən, 2026-cı ildə bu rəqəm ÜDM-in 110 faizinə çata bilər.
17:43 14.02.2026
Oxunuş sayı: 678
