Xarici xəbərlər

Bu məktub gündəm oldu

BMT Baş katibi Antonio Quterreşin İran İslam İnqilabının ildönümü münasibətilə Tehrana ünvanladığı təbrik məktubu mübahisələrə səbəb olub.

Crossmedia.az-ın məlumatına görə, BMT-nin sözçüsü Stefan Dujarric mətbuat konfransında "Fox News" müxbirinin suallarını cavablandırarkən bildirib ki, sözügedən məktub standart diplomatik prosedura uyğun olaraq bütün ölkələrə onların milli bayramları münasibətilə göndərilir.

Onun sözlərinə görə, bu cür təbrik məktubları heç bir halda siyasi dəstək kimi şərh edilməməlidir:

“Bu addım Baş katibin İranda baş verən repressiyalarla bağlı mövqeyini dəyişmir”.

Dujarrik həmçinin İranın xarici işlər naziri Abbas Araqchinin Cenevrədə BMT İnsan Hüquqları Şurasında çıxış etməyə dəvət olunması ilə bağlı sualı da cavablandırıb. O qeyd edib ki, bu qərar birbaşa Şuranın səlahiyyətinə daxildir və Baş katiblik tərəfindən qəbul edilmir.

🖨 Çap et

13:40 12.02.2026

Oxunuş sayı: 726