Avropa Şurasının baş katibi Gürcüstana gedəcək
Avropa Şurasının baş katibi Alen Berset yaxın vaxtlarda Gürcüstana gedəcək.
Crossmedia.az xəbər verir ki, qərar onun son 24 saat ərzində prezident Salome Zurabişvili və baş nazir İrakli Kobaxidze ilə telefon danışığından sonra qəbul edilib.
“Gərgin vəziyyət və hazırkı qarşıdurma fonunda Baş katib Avropa Şurasının qütbləşmənin və siyasi dalana dirənməsinin artması ilə bağlı narahatlığını ifadə edib”, - deyə danışıqlardan sonra bəyanatda bildirilir.
Alen Berset tərəfləri daha da gərginləşmədən çəkinməyə çağırıb. O, Gürcüstanın Avropa Şurasının üzvü kimi fikir və dinc toplaşmaq azadlığına hörmət etmək öhdəliyini xatırladıb. O, aksiyalar zamanı hüquq-mühafizə orqanları əməkdaşlarının həddindən artıq güc tətbiq etməsi hallarının araşdırılmasının vacibliyini vurğulayıb.
16:53 04.12.2024
Oxunuş sayı: 9275
