Daha bir müharibə başlayır: Hədəfdə Macarıstan var
Macarıstanın Baş naziri Viktor Orban Avropa İttifaqı(Aİ) və Ukraynanın ölkəsinə müharibə elan etdiyini iddia edib.
Crossmedia.az xəbər verir ki, Orban bu açıqlamanı "Politico" nəşrinin Ukraynanın 2027-ci ildə Aİ-yə mümkün daxil olması ilə bağlı hesabatına münasibət bildirərkən səsləndirib.
O, nəşri Brüssel elitasının ruporu adlandırıb, müzakirə olunan planı isə hərbi kimi xarakterizə edib.
Macarıstan lideri iddia edib ki, Brüssel Budapeştin mövqeyini və Macarıstan xalqının iradəsini nəzərə almır.
Hətta ölkədə hökumət dəyişikliyinə çalışır.
Onun sözlərinə görə, Aİ Macarıstanın veto hüququnu və müqavimətini aradan qaldırmaq üçün müxalif qüvvələrin hakimiyyətə gəlməsinə ümid edir.
Qeyd edək ki, "Politico" daha əvvəl təşkılatın Ukraynanın 2027-ci ildə qismən üzvlüyünü müzakirə etdiyini yazmışdı.
Bununla belə, belə bir qərarın qəbul edilməsi üçün Macarıstan da daxil olmaqla bütün üzv dövlətlərin yekdil razılığı tələb olunur.
20:35 11.02.2026
Oxunuş sayı: 811
