ABŞ-dan İrana yeni təzyiq planı: Neft tankerlərinin ələ keçirilməsi gündəmdə
ABŞ hökuməti İranın neftini daşıyan tankerlərin ələ keçirilməsi variantını müzakirə edir.
Crossmedia.az bu barədə “The Wall Street Journal” a istinadən xəbər verir.Məlumata görə, sözügedən addım İranı nüvə proqramını məhdudlaşdıran yeni saziş imzalamağa məcbur etmək məqsədilə nəzərdən keçirilən variantlardan biridir. Vaşinqton hesab edir ki, İranın neft ixracına zərbə vurmaq Tehrana iqtisadi təzyiqi artıra bilər.Lakin bu plan ciddi risklərlə müşayiət olunur. ABŞ rəsmiləri bildirirlər ki, tankerlərin ələ keçirilməsi İran tərəfindən cavab tədbirləri ilə nəticələnə bilər. Tehran ABŞ müttəfiqlərinə məxsus neft tankerlərini hədəfə ala və ya strateji əhəmiyyətə malik Hörmüz boğazında gərginliyi artıra bilər.
Qeyd edək ki, dünya neft tədarükünün təxminən 20–25 faizi Hörmüz boğazından keçir. Bu bölgədə mümkün eskalasiya qlobal enerji bazarlarında ciddi dalğalanmalara və neft qiymətlərində kəskin artıma səbəb ola bilər.
Hazırda məsələ ilə bağlı yekun qərarın verilmədiyi və Ağ Ev daxilində müzakirələrin davam etdiyi bildirilir.
10:17 11.02.2026
Oxunuş sayı: 464
