Xarici xəbərlər

İran rəsmisi Netanyahunun ABŞ səfərindən danışdı

İran Milli Təhlükəsizlik Şurasının katibi Əli Laricani İsrailin Baş naziri Benyamin Netanyahunun ABŞ-yə səfərinə münasibət bildirib.

Crossmedia.az bu barədə xarici mediaya istinadən xəbər verir.

Omanda səfərdə olan Laricani bəyan edib ki, Netanyahunun Vaşinqton və Tehran arasında davam edən nüvə danışıqlarına təsir göstərmək cəhdləri qəbuledilməzdir.

Laricani vurğulayıb ki, amerikalılar vəziyyəti düzgün qiymətləndirməli və İsrail tərəfinin danışıqların əsaslarına müdaxilə etməsinə imkan verməməlidirlər:

“Amerikalılar vəziyyət barədə ağıllı düşünməli və onun ‘Mən gedib amerikalılara nüvə danışıqlarının əsaslarını öyrətmək istəyirəm’ təklifinə imkan verməməlidirlər. Onlar ayıq-sayıq olmalıdırlar”.

Qeyd edək ki, bu gün İsrailin Baş naziri Netanyahu ABŞ Prezidenti Donald Tramp ilə görüşmək və İran məsələsini müzakirə etmək üçün Vaşinqtona səfər edib. Liderlər arasında görüş fevralın 11-nə planlaşdırılıb.

🖨 Çap et

09:25 11.02.2026

Oxunuş sayı: 1862