Son dövrlərdə Türkiyəyə səfər edən iranlı turistlərin sayında nəzərəçarpacaq azalma müşahidə olunur.
Crossmedia.az xəbər verir ki, bu barədə AFP məlumat yayıb.
Agentliyin bildirdiyinə görə, azalmaya əsas səbəb İranın milli valyutası rialın kəskin dəyər itirməsidir. Valyutanın ucuzlaşması nəticəsində bir çox iranlı vətəndaş üçün xaricə səyahət maliyyə baxımından əlçatmaz hala gəlib.
Məlumatda qeyd olunur ki, hazırda iranlı turistlər üçün yol xərcləri, alış-veriş, eləcə də Türkiyədə münasib qiymətli hotellərdə qısamüddətli qalmaq belə ciddi çətinlik yaradır. Bu amil uzun illərdir iranlıların ən çox üz tutduğu istiqamətlərdən biri olan Türkiyəyə marağın azalmasına səbəb olub.
Ekspertlər hesab edirlər ki, valyuta sabitləşmədiyi təqdirdə bu tendensiya yaxın dövrdə də davam edə bilər.
